Lieg aguest tèxte en votz nauta e practica era tua prononciacion. Dempús enregistra-te damb eth mobil, escota er audio modèl que traparàs dejós e compara-lo damb era tua lectura entà avalorar era tua prononciacion.
En castèth
En un tuc des montanhes d’Escòcia i a un vielh castèth. Laguens, en un lòc dificil d’accedir, s’i tròbe ua cèla e laguens dera cèla, un vielh òme. Aqueth vielh dormís en un lhet de palha e lèu non a dents tà poder nhacar eth pan duro que li dan tà minjar. En ua pèth d’anhèth trabalhe ena redaccion dera sua istòria de guerrèr occitan. Un dia, en tot veir qu’eth sòn temps s’acabe, damb eth shinhau de fòrça qu’encara a, estaque era pèth en un calhau e la lance pera hièstra de barrons. Eth calhau qu’è ena nhèu e l’arremasse era dauna deth castèth, que dempús hè a conéisher eth coratge deth vielh guerrèr.
